15 күн қалды: Жазира Байырбекова тойға дайындық басталғанын айтты

Әнші Жазира Байырбекова ұлының үйлену тойына дайындық жұмыстары басталғанын айтты, – деп жазды Aikyn.kz.

Өнер иесінің айтуынша, тойға 15 күн ғана қалған. 

«Тойға небәрі 15 күн қалды. Енді дайындықты бастап жатырмыз. Ең қиыны – қонақтарды қалай отырғызу. Кіммен кімді қатар отырғызамын деген сұрақ көп. Тізімді жазып қойдым, бірақ бәрін дұрыс орналастырдым ба әлде өзгерту керек пе – соны ойланып жүрмін. Біреуді ұмытып кетпедік пе деген де уайым бар», – деді әнші. 

Жазира Байырбекова тойға шақырылмай қалған қонақтар болса, оларды үйге келіннің қолынан шай ішуге шақыратынын атап өтті.

Желі қолданушылары әншіге қолдау білдіріп, тойдың сәтті өтуін тіледі.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.