175 түлек Алтын белгі иеленді

Салтанатты жиында облыс әкімі Ғауез Нұр­мұхамбетов өмірдің екін­ші белесіне батыл аттағалы тұр­ған жастарға ағалық тілегін айтты. «Бүгін сіздердің алдарыңызда өмірдің ең маңызды дәуірі есік ашып отыр. Аттаған қадамдарың сәтті болып, өмір жолдарың жарқын болсын. Қазір Мемлекет басшысының талабымен  елімізде талантты жастардың әлеуетін ашуға толық мүмкіндік бар. Жастардың сапалы білім алып, жоғары деңгейдегі маман болып, өздерінің қабілетін арттыруына және кәсіби тұрғыдан шыңдалуына барлық жағдай жасалған», деді Ғауез Торсанұлы.

Облыста «Алтын белгі» алушылар саны жыл сайын артып келеді. Мысалы, былтыр оның саны 124 болған еді. Облыс басшысы бұл педагогтер мен ата-аналардың балалардың сапалы білім алуына алаңдаушылық білдіріп, олардың білімге ынтасын арттыруға үлес қосқаны туралы айтты. «Сонымен қатар жастардың да жыл өткен са--йын білімге құлшынысы артып отыр. Мен сіздердің мол білімдерің туған жерді түлетуге, елімізді дамытуға елеулі үлес қосатынына сенемін», деді ол.

Ресми іс-шарадан соң түлектер­ге «Алтын белгі» аттестаты табыс етіл­ді. Жас түлектер арасынан сөйле­ген жастар «Алтын белгінің» мақта­ныш­пен қатар үлкен жауапкершілік ­те жүктейтінін жеткізді. Мереке­лік іс-шара ақсақалдар мен білікті адамдардың тілегі және ата-ана­лар мен ұстаздардың құттықтауы­на жалғасып, соңынан жергі­лік­ті өнерпаздардың концертіне ұласты.

ПЕТРОПАВЛ