57 секундта қарсыласын нокаутқа түсірді: қазақстандық боксшы америкалық рейтингке ілікті

АСТАНА, 5 мамыр – Sputnik. Тараз қаласының тумасы - 20 жастағы боксшы Әли Бауыржан тәжікстандық қарсыласын 57 секундта құлатты. Боксшының жетістігі туралы жеке жаттықтырушысы, Қазақстан бокстан еңбек сіңірген жатықтырушы Әділ Қари Sputnik Қазақстан тілшісіне айтып берді.

Жауырыны жер иіскемеген жас спортшы бокспен 7 жасынан айналысқан. Бүгінде ішкі істер министрлігінің Б.Бейсенов атындағы Қарағанды академиясының 3-курс курсанты. Полиция сержанты алғашқы раундтың 57-ші секундында Тәжікстан спортшысы Раджаббой Ахмедовті нокаутқа түсірді.

© PhotoҚазақстадық боксшы америкалық рейтингке ілікті

Қазақстадық боксшы америкалық рейтингке ілікті

© Photo

"Әли бұл спортпен 13 жыл айналысады. Өмірінде жүзден астам жекпе-жегі болған, жеңісті орындары көп. 16 жасында спорт шебері алған. Американың Boxrek рейтингінде 14-орынға шықты. Бұл рейтингте Геннадий Головкин сияқты қазақстандық мықты спортшыларымыз бар. Әлидің мұндай жетістікке жетуі біз үшін мақтаныш", - дейді жаттықтырушысы.

Жекпе-жек басталған сәттен-ақ Бауыржан қарсыласына үстемдік танытып, бірнеше жойқын соққы жасаған. Тіпті ауыр соққыға қарсыласы шыдас бере алмаған. Бұны байқаған рингтегі рефери жекпе-жекті тоқтатқан.

Талантты боксшы Әли Бауыржан бұған дейін Қарағанды қаласында Ғ.Жарылғаповты еске алуға арналған халықаралық турнирде чемпион атанған. Ол Қазақстанның бокстан спорт шебері, ел чемпионы және халықаралық, республикалық турнирлердің бірнеше дүркін жеңімпазы.

© PhotoҚазақстадық боксшы америкалық рейтингке ілікті

Қазақстадық боксшы америкалық рейтингке ілікті

© Photo

"Жарыс Тараз қаласында бокстан халықаралық деңгейде болды. Әли талай қазақтың үмітін ақтады. Бұйырса осындай талай додада үмітімізді ақтайтынына сенемін. Жарыс Тараздағы спорт аренада өтті", - дейді жаттықтырушысы Әділ Қари.

Жас спортшы курсант Бауыржан Әли әскери оқуда оқып, спортты да қатар алып жүріп, халықаралық ареналарда ел намысын абыроймен қорғап келеді. Тікелей эфирде болған байрақты додада Қазақстанның туын көтерген Әли Бауыржаннан жаттықтырушының да, арқа сүйеген халқының да күтер үміті зор.