8 проценттік кредиттер беріледі үкімет жаңа бағдарламаны бекітті

АСТАНА, 23 желтоқсан – Sputnik. Үкімет шағын бизнесті қолдауға арналған “Іскер аймақ” бірыңғай бағдарламасын әзірледі, деп хабарлайды Sputnik Қазақстан тілшісі.

Премьер-министрдің орынбасары Серік Жұманғариннің айтуынша, бірыңғай бағдарлама ауылдар мен шағын қалалардағы өндірісті дамытуға арналып отыр.

© SputnikСерік Жұманғарин, премьер-министрдің орынбасары

Серік Жұманғарин, премьер-министрдің орынбасары

© Sputnik

"Бағдарлама ауылшаруашылық шикізатын қайта өңдеу, шағын наубайхана, жиһаз және құрылыс материалдарын өндіру сияқты тез нәтиже беретін, технологиялық жағынан қарапайым, жылдам жүзеге асырылатын жобаларға бағытталған", - деді Жұманғарин үкіметтің бүгінгі отырысында.

Бағдарлама шарттары:

бір жобаға 200 млн теңгеге дейін;

8,8 проценттік мөлшерлеме;

кредиттің 40 проценті мемлекеттен субсидияланады;

3 жылға дейін.

Ал кәсіпкердің кепілге қоятын заты жоқ немесе жеткіліксіз болған жағдайда қарыз сомасының 85%-ына дейін рәсімдеуге болады.

Осы бағдарламаға жыл сайын 400 млрд теңге бөлініп тұрады.

Басымдық берілетін салалар:

ауыл шаруашылығы өнімдері;

тері мен жүн өңдеу;

шағын наубайханалар;

жиһаз;

құрылыс материалдарын дайындайтын цехтар;

сүт және ет жартылай фабрикаттары;

қолөнер;

"Ауыл аманаты" мен "Бір ауыл-бір өнім" жобаларының қатысушышарына ерекше басымдық беріледі.

Өтінімдерді беру egov.business және Damu Online порталдары арқылы автоматтандырылған түрде жүргізіледі.

Шалғай аудандар үшін көшпелі формат қарастырылған. Ол үшін арнайы мобильді кеңселер (автобустар) жергілікті жерлерде кеңес беріп, құжаттарды қабылдайды.