Абай облысында теміржол учаскесін жөндеу кезінде кран рельстен шығып кетті

АСТАНА, 22 қазан - Sputnik. Абай облысындағы "Шалқар – Сексеуіл" учаскесінде "Қарашоқат – Ақеспе" аралығындағы жолды күрделі жөндеу кезінде кран рельстен шығып кетті, деп хабарлайды "Қазақстан темір жолы" ҰК" АҚ баспасөз қызметі.

Оқиға 16 қазанда жолды күрделі жөндеу бойынша технологиялық үзіліс кезінде болған. Жұмыс барысында "Темір Жол Жөндеу" ЖШС мердігерлік ұйымының төсеу краны рельстен шығып кеткен.

"Құрбан болғандар мен зардап шеккендер жоқ. Оқиға пойыздардың қозғалысына әсер етпеді, апат салдары жедел жойылып, осы учаскедегі жұмыстар штаттық режимде жалғасып жатыр", - дейді компаниядағылар.

Ведомствоның мәліметінше, Абай облысында салынып жатқан "Бақты – Аягөз" теміржол желісінде қазіргі уақытта тек жер төсемін салу жұмыстары жүргізіліп жатыр.

"Бұл учаскеде темір жолдар төселмейді, рельстер мен шпалдар әкелініп жатқан жоқ. Абай облысының төтенше жағдайлар департаментінің мәліметінше, облыс аумағында жылжымалы құрамның рельстен шығып кетуінің оқиғалары тіркелген жоқ", - деп хабарлады "Қазақстан темір жолы".