Airbus өзінің A320 ұшақтарынан ақаулар анықтады

Airbus концерні баспасөз қызметінің мәліметінше, бұл олардың өз әуе флотының ұшу қауіпсіздігі үшін қажет.

"Жақында A320 ұшақ оқиғасына жүргізілген талдау қарқынды күн радиациясы ұшуды басқару жүйелерінің жұмысы үшін маңызды деректерді зақымдауы мүмкін екенін көрсетті. Airbus осы оқиғадан зардап шегуі мүмкін A320 санатына жататын ұшақтарының едәуір бөлігін анықтады", делінген концерннің жұма күнгі баспасөз хабарламасында.

Airbus қолжетімді бағдарламалық және/немесе аппараттық құралдарды енгізу және ұшу қауіпсіздігін қамтамасыз ету үшін операторларды ескерту (AOT) арқылы пайдаланушылардан жедел сақтық шараларын қабылдауды сұрап, авиациялық органдармен белсенді түрде өзара байланыс орнатты. AOT мәліметтері Еуропалық ұшу қауіпсіздігі агенттігінің (EASA) ұшуға жарамдылық жөніндегі төтенше жағдай туралы директивасында көрсетілген.

"Airbus бұл ұсыныстар жолаушылар мен клиенттер үшін жұмыс уақытында кешігулер болатынын білдіретінін мойындайды. Келтірілген қолайсыздықтар үшін кешірім сұраймыз және қауіпсіздікті басты басымдық ретінде сақтай отырып, ұшақты пайдаланушылармен тығыз жұмыс жасаймыз". Airbus

Авиакомпаниялар AOT хабарламасын алды, онда келесі ұшуға дейін мәселені шешу талап етіледі, әйтпесе олар EASA тарапынан пайдалануға тыйым салынуы мүмкін. Яғни, шын мәнінде, авиакомпаниялар A320 ұшақтарын Airbus бағдарламалық құралын жаңартусыз пайдалана алмайды.

"Airbus A320 ұшағы жақында еркінен тыс және шектеулі ауытқуға тап болды. Автопилот іске қосылып, қысқа және шамалы уақытта күрт төмендеу орын алды, қалған уақытта ұшу қауіпсіз өтті. Қосымша тергеу амалдары күн сәулесінің әсерінен L104 бағдарламалық жасақтамасы орнатылған ELAC B аппараттық құралының осалдығын анықтады. Қиын жағдайда, мұның салдарынан биіктік кезінде рөлдің еріктен тыс ауытқуына әкелуі мүмкін, бұл ұшақ дизайнының беріктік шегіне зақым келтіруі ықтимал", – деді өндіруші компания жұма күні әуе компанияларға жолдаған хабарламада.

Осылайша, AОT авиакомпанияларға бағдарламалық жасақтаманың бұрынғы нұсқасын қалпына келтіруді немесе сөз етілген ELAC есептеу блогын бағдарламалық жасақтаманың ескі нұсқасымен модификациялауды бұйырады. Airbus-тың есебі бойынша, мұндай қызмет шамамен үш сағатты алады.

Айта кетсек, Air Astana мен FlyArystan әуе компанияларының жолаушыларынан сабыр сақтау сұралды.