Бетперде киген және пышағы бар балалар алматылықтарды шошытты: полиция нені анықтады

Алматыдағы Ганди саябағының маңында бетперде киген бір топ бала қала тұрғындарын шошытты. Әлеуметтік желілерде тараған видеода ұлдардың бірінің қолында пышаққа ұқсас зат бары байқалады. Полиция оқиғаға қатысушыларды анықтады, деп хабарлайды Tengrinews.kz.

"Пышақпен жүгіріп жүрді": не болды?

Видео әлеуметтік желілерде тарады. Видео авторының айтуынша, оны бетперде киген жасөспірімдер тобы қорытқан. Бойжеткен олардың бірі достарының соңынан пышақпен жүгіргенін айтты.

Жазбада әйел балаға дыбыстап, қасына келуін өтінеді. Ол болса "жоқ" деп жауап береді.

Алматы қаласы полиция департаменті Алмалы аудандық ювеналды полиция қызметкерлері төрт кәмелетке толмаған баланы анықтағанын хабарлады. Балалардың жасы 9 бен 12 аралығында.

"Оқиғаның мән-жайын анықтау үшін олардың барлығы полиция бөлімшесіне жеткізілді", – деп хабарлады ведомствоның баспасөз қызметі.

Балалардың қаланың түрлі мектептерінде оқитыны нақтыланды. Полиция мәліметінше, жасөспірімдер бұл жағдайды жай ғана ойын деп түсіндірген.

Тексеру нәтижесі бойынша балалардың ата-аналары бала тәрбиесі мен олардың қауіпсіздігін қамтамасыз ету жөніндегі міндеттерін тиісінше орындамағаны үшін әкімшілік жауапкершілікке тартылды.

Жасөспірімдердің өзі профилактикалық және мектепшілік есепке алынды.

"Бала ойын деп қабылдаған нәрсе сырт көзге нақты қауіп болып көрінуі және азаматтардың орынды алаңдаушылығын тудыруы мүмкін. Ата-аналар балаларының мінез-құлқына дер кезінде назар аударып, қауіп төндіретін заттарды көрсетуге болмайтынын түсіндіруі және айналадағылардың қауіпсіздігіне жауапкершілікпен қарауды қалыптастыруы қажет", – деп атап өтті полиция.

Бұл отбасылармен болған жағдайды уәкілетті қызметтер бақылауға алды. Сонымен қатар полиция баланың қолындағы зат шынымен пышақ болған-болмағанын нақтыламады.

Бұған дейін Алматыдағы Төле би көшесінде орналасқан дәмханалардың бірінің келушілері түн ортасында мекемеге жалаңаш баланың жүгіріп кіргенін айтып, алаңдаушылық білдірген еді. Тұрғындар полиция шақыртып, баланы жылытуға тырысқан. Кейін аутизм дертіне шалдыққан баланың ата-анасы ұйықтап жатқанда үйінен шығып кеткені белгілі болды. Толығырақ осы жерден оқыңыз.

Бізді Google-дың негізгі дереккөздер тізіміне қосыңыз