Айды игеру адамзатқа терең ғарышты зерттеуге жол ашады

Бұл туралы Ресейдің Курчатов институты президенті Михаил Ковальчук мәлімдеді.

– Егер сіз Айды игеріп, онда өмір сүруді үйренсеңіз, бұл алыс ғарышқа ұшуға жол ашады. Осыдан кейін адамзат үшін ғалам кеңістігі қолжетімді бола бастайды, – деді ол.

Сарапшының айтуынша, Айдағы тартылыс күші Жермен салыстырғанда әлдеқайда төмен, бұл ғарышқа ұшуды жеңілдетеді.

– Ай – бір жағынан «аралық алаң» іспетті. Ол жерден ұшу Жерден көтерілгенге қарағанда әлдеқайда оңай, – деп түсіндірді Михаил Ковальчук.

Оның пікірінше, Айды игеру – адамзаттың ғарыштағы мүмкіндіктерін кеңейтетін стратегиялық қадам.

Айта кетейік, NASA Orion ғарыш кемесін Айға ұшырды.