Әкеден балаға жалғасатын сәттер бар : Әли Оқапов жан сырын ақтарды

Әнші Әли Оқапов балалық шағы туралы естелік айтты, - деп жазды Aikyn.kz.  

Ол әкесі Тасқын Оқаповпен бірге шетелге сарап шеккен сәттері туралы сыр шертті. Бүгінде өзі де әке болып, ұлымен бірге саяхаттағанда бала кезіндегі естеліктері еріксіз ойға оралатынын жеткізді.

«Кейбір сапарлар болады, олар жай ғана саяхат емес, жүрегіңе жақын естеліктерге қайта оралу сияқты…  Мен Дубайға дәл осы ұлымның жасында әкеммен бірге келгенмін. Сол сапар әлі күнге дейін есімде. Әкемнің жанымда болғаны, бірге өткізген сәттеріміз… Бала кезімдегі сол естеліктер жадымда анық сақталыпты. Ал бүгін мен өз ұлыммен Дубайға қайта келдім. Ең қызығы — ұлым сол кезде мен қандай жаста болсам, қазір дәл сол жаста. Оған қарап отырып, кейде өзімді кішкентай бала кезімде көргендей боламын. Бір кездері әкемнің жанында жүрген бала едім, ал бүгін өзім әкемін. Уақыттың қалай тез өтетінін осындай сәттерде ерекше сезінеді екенсің. Кезінде әкеммен бірге жинаған естеліктерімнің енді ұлыммен жалғасып жатқаны — мен үшін баға жетпес сезім. Бәлкім, ол бұл сапарды қазір толық есінде сақтамас, бірақ бір күні осы суреттерге қарап, өзінің де осындай әдемі балалық шағы болғанын сезінсе екен деймін. Әкеден балаға жалғасатын сәттер бар. Бүгін соның бірін өз жүрегіммен сезініп жүрмін», - дейді ол. 

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.