Алакөлде қауіпсіздік талаптарын бұзған 22 кеме иесі жауапқа тартылды

Осыған байланысты Төтенше жағдайлар министрлігінің Төтенше жағдайлардың алдын алу комитетінің төрағасы, азаматтық қорғау полковнигі Серік Жүнісбековтің жетекшілігімен Жетісу облысы Төтенше жағдайлар департаментінің қызметкерлеріне түсіндіру жұмыстары жүргізілді.

Іс-шара барысында шағын көлемді кемелерді қауіпсіз пайдалануға мемлекеттік бақылау жүргізу тәртібі бойынша тәжірибелік көмек көрсетіліп, қауіпсіздік талаптарын сақтау мәселелеріне ерекше назар аударылды.

Алакөлде қауіпті маневр жасаған гидроцикл жүргізушісі жауапқа тартылды

Рейдтік шаралардың нәтижесінде Алакөл көлінде 22 кеме иесі әкімшілік жауапкершілікке тартылды. Оларға салынған айыппұлдың жалпы сомасы 229 225 теңгені құрады.

Сонымен қатар алкогольдік масаңдық белгілері байқалған гидроцикл жүргізушісі медициналық куәландырудан өткізу үшін ішкі істер органдарының қызметкерлеріне тапсырылды.

Алакөлде суға батып бара жатқан ер адам құтқарылды

Төтенше жағдайлар министрлігі азаматтарды су айдындарында қауіпсіздік талаптарын қатаң сақтауға, шағын көлемді кемелерді пайдалану кезінде қолданыстағы заңнама талаптарын бұзбауға шақырды.