Әлемдегі ең қымбат компания аталды. Енді бұл Nvidia емес

Nvidia акциялары бағасының төмендеуіне байланысты әлемдегі ең қымбат компания мәртебесінен айырылды. Енді нарықтық капитализация бойынша бірінші орынды қайтадан Apple иеленді, - деп хабарлайды Tengri Life.

Не болды?

CNBC X әлемуеттік желісінде Apple нарықтық капитализация бойынша Nvidia-дан асып түскенін хабарлады. iPhone өндірушісі әлемдегі ең қымбат жария компания мәртебесін өзіне қайтарып алды.

Nvidia жасанды интеллект бумы мен өз чиптеріне деген жоғары сұраныс аясында 2025 жылғы маусымда Microsoft-ты басып озып, содан бері көш бастап келген болатын.

Apple Nvidia-ны тақтан тайдырып, әлемдегі ең қымбат компания атанды: дүйсенбі күнгі сауда-саттық жабылған кезде iPhone өндірушісі 2025 жылдың сәуірінен бері алғаш рет жасанды интеллект чиптерін шығаратын фирмадан басып озды.
Nvidia бұл атақты 2025 жылдың маусымында Microsoft-тан тартып алғаннан бері иеленіп келген еді.
CNBC тілшісі Эмили Тан хабарлайды… pic.twitter.com/8Zs4PF2YfF

- CNBC (@CNBC) July 28, 2026

Nvidia акциялары неге арзандады?

Business Insider сарапшылары пікірінше, бұған инвесторлар көңіл-күйінің өзгеруі себеп болған.

Сарапшылар нарықтың Apple-дің жасанды интеллектіні дамыту тәсілін оң бағалап отырғанын айтады. Компания миллиардтаған доллар жұмсап, жеке ЖИ-деректер орталығын салғаннан гөрі, қажетті есептеу қуаттарын серіктестерінен жалға алуды жөн көреді.

OpenAI инфрақұрылымына ауқымды инвестиция құйылатыны туралы ақпарат та Nvidia акцияларына қосымша қысым жасады. Сөз деректер орталықтарын салуға бағытталатын 250 миллиард доллар туралы болып отыр.

Инвесторларды мұндай жобалардың орасан зор қаржыны талап ететіні, бірден ақталмайтыны және жоғары тәуекелдермен байланысты екені алаңдатады.

Ірі компаниялар рейтингі қалай өзгерді?

Сауда-саттық қорытындысы бойынша Apple нарықтық капитализация бойынша әлемдік рейтингте қайтадан көш бастады.

Қазіргі уақытта күштер арасалмағы келесідей:

Apple - шамамен 5 триллион доллар; Nvidia - 4,75 триллион доллар.

Осылайша, екі компания арасындағы алшақтық шамамен 230 миллиард долларға жетті..

ШҰҒЫЛ: Apple Nvidia-ны басып озып, әлемдегі ең қымбат компания болды. $AAPL: $4.92 триллион $NVDA: $4.75 триллион pic.twitter.com/ifsx2IXeKn

- Watcher.Guru (@WatcherGuru) 27 шілде, 2026 жыл

Басылым мәліметінше, жыл басынан бері басқа да ірі технологиялық компаниялар қиындық көріп отыр. Tesla, Microsoft және Meta компанияларының да акциялары арзандағаны байқалады.

Тағы оқыңыз: Саясаткер парламентте сөйлеген сөзінде байқамай ЖИ нұсқаулығын оқып қойды

Google News арқылы жаңалықтарымызды қадағалаңыз

Жазылу