Әлемдік нарықта сиыр етінің бағасы өзгеріссіз қалды

АСТАНА, 6 ақпан – Sputnik. Біріккен Ұлттар Ұйымының Азық-түлік және ауыл шаруашылығы ұйымы ет бағасы туралы есеп жариялады.

APK News хабарлағандай, қаңтар айында ет бағасының индексі желтоқсанмен салыстырғанда 0,4%-ға төмендеді, бірақ бір жыл бұрынғы деңгейден әлі де 6,1%-ға жоғары.

"Бұған негізінен халықаралық шошқа етінің бағасының төмендеуі себеп болды, ал ірі қара мал мен қой етінің бағасы жалпы алғанда тұрақты болып қалды. Шошқа етінің бағасы негізінен Еуропалық Одақ елдерінде төмендеді", - деп жазылған хабарламада.

Керісінше құс етінің әлемдік бағасы өсті. Негізінен Бразилияда баға шарықтаған, оған халықаралық сұраныстың жоғары болуы әсер етті.