Әлемдік нарықтың заңдылығы: байыған ел шикізат сатпайды, оны өңдейді

Еліміз экономиканы әртараптандыру, экспорттық әлеуетті арттыру мақсатында нақты қадамдар жасалып келеді. Әсіресе, ауыл шаруашылығында.

Еліміз экономиканы әртараптандыру, экспорттық әлеуетті арттыру мақсатында нақты қадамдар жасалып келеді. Әсіресе, ауыл шаруашылығында.

Шикізатты ел ішінде өңдеп, оны дайын өнім түрінде сыртқа шығаруға бағытталған жобалар қолға алына бастады. Осындай жобалардың бірі Алматы облысында іске қосылған ALPECON GROUP агроөнеркәсіптік кластері. Бұл жеміс-көкөніс шырындарының концентраттын, пюре мен пастаны өнеркәсіптік ауқымда шығаратын еліміздегі тұңғыш кәсіпорын.

Зауыттың жылдық өндірістік қуаты 70 мың тонна шикізат, дайын өнім көлемі жыл сайын 13 мың тоннадан асады. Бұрын далада қалып, кәдеге жарамай қалатын алма енді сапалы әрі бәсекеге қабілетті экспорттық тауарға айналады.

Зауыт 180 тұрақты жұмыс орнын қамтып отыр, қосымша 500-ден астам маусымдық жұмыс орны ашылады.

"Жаңа кәсіпорынның іске қосылуы түбегейлі жаңа өндірістік экожүйе қалыптастырады. Біз отандық өндірушілер үшін тұрақты өткізу нарығын құрамыз, шикізатты Қазақстанның өзінде өңдейміз, бақшадан бастап халықаралық тұтынушыға дейінгі экспортқа бағытталған тізбек қалыптастырамыз", - дейді ALPECON GROUP бас директоры Самат Балабеков.

Жобаның алғашқы кезеңіне 9,5 миллиард теңгеден астам қаражат жұмсалды, оған Қазақстанның Даму Банкі мен "Даму" қоры қолдау көрсетті.

"Даму" қорының Басқарма Төрағасы Фархат Сарсекеев бұл жобаны мемлекеттік қолдаудың нақты нәтижесі деп бағалайды: "Көз алдымызда Қазақстандағы жеміс пен көкөністі терең өңдейтін тұңғыш заманауи зауыт іске қосылды. Мемлекеттік қолдаудың мақсаты – өңірлерді дамыту, жаңа жұмыс орындарын құру, импортты алмастыру және экспортты арттыру".

Ал "Қазақстанның Даму Банкі" АҚ Басқарма Төрағасының орынбасары Владимир Ли бұл жобаны Made in Kazakhstan брендімен экспорттық өнім шығаруға дейінгі толық тізбекті қамтитын үлгілі бастама ретінде атап өтті.

Жобаның халықаралық серіктесі – Göknur Gıda (Түркия). Тараптар 10 жылдық экспорттық келісімшарт пен технологиялар трансфері туралы келісімге келді.

Кластер дамыған сайын шикізат қабылдау пункттерінің желісі Жетісу өңірінен Түркістан облысына дейін кеңейіп, мыңдаған шаруашылық пен жеке фермерге тұрақты табыс көзі болмақ.

Бұл толық циклді агроөнеркәсіптік кластер ретінде құрылуда. Alpecon AI Ecosystem Platform цифрлық платформасы, мамандарды даярлайтын Alpecon Academy білім беру бағдарламасы бар.

Сондай-ақ елімізде бұған дейін өндірілмеген пектин шығаратын цехтың іргетасы қаланды. 2028 жылғы жалпы инвестиция көлемі 93,7 млн АҚШ доллар, жылдық экспорттық түсім 58,8 млн долларды құрайды деп күтілуде.

Суреттер: Влад Семенов

Жарнамалық материал

Google News арқылы жаңалықтарымызды қадағалаңыз