Әлеуметтік әділеттілік мемлекеттік қағидат

Әлеуметтік әділеттілікті қалпына келтіру үшін салада тәртіп орнату керек. Бұл туралы Мемлекет басшысы «Түркістан» газетіне берген сұхбатында айтты. 

Оның сөзінше, тиісті мекемелердің жөнсіз әрекетінен білім беру және денсаулық сақтау салаларындағы жеке кәсіпкерлік ұғымы бұрмаланып кеткен. Ахуалды түзеу қажет. Сонымен қатар жауапты мекеме қызметкерлері мемлекеттен көмек алу үшін туыстарын мүгедектер қатарына қосып қойғаны анықталып отыр. Мұндай заңсыз әрекеттер аз емес. «Сондықтан Үкімет пен құқық қорғау органдарына осы салада тәртіп орнатуды тапсырдым», - деді ол. Осылайша, әлеуметтік көмек шын мұқтаждарға көрсетіліп, үнемделген қаражат инфрақұрылым мен экономиканы дамытуға жұмсалмақ.