Алматы мектебінде түлектер кешіне ақша жинауға байланысты жанжал шықты

Алматыдағы мемлекеттік мектептердің бірінде дау туындады. 11-сынып оқушыларының ата-аналары түлектер кешіне жиналатын қомақты қаражатқа шағымданғаннан. Олардың бірінің айтуынша, түлектердің отбасыларынан миллиондаған ақша жинау жоспарланған. Тексерістен соң мектеп басшылығы мен аудандық білім бөлімі жауапқа тартылды, деп хабарлайды Tengri Education.

Алматыдағы мемлекеттік мектептердің бірінде дау туындады. 11-сынып оқушыларының ата-аналары түлектер кешіне жиналатын қомақты қаражатқа шағымданғаннан. Олардың бірінің айтуынша, түлектердің отбасыларынан миллиондаған ақша жинау жоспарланған. Тексерістен соң мектеп басшылығы мен аудандық білім бөлімі жауапқа тартылды, деп хабарлайды Tengri Education.

Жағдай әлеуметтік желілерде қызу талқылана бастағаннан кейін білім басқармасы тексеріс жүргізген. Алдын ала мәлімет бойынша, ақша жинау мәселесі мектептің ресми алаңында емес, ата-аналар чаттарында талқыланған.

"Ақша жинау бастамасы бір топ ата-анадан шыққаны және бейресми чаттарда талқыланғаны анықталды", - деп хабарлады Оқу-ағарту министрлігінің баспасөз қызметі.

Сонымен қатар ведомство мынаны баса айтты: бастама ата-аналардан шықса да, мектептегі процестердің ашықтығы үшін оқу орнының әкімшілігі де, тиісті білім беру органдары да жауапты.

"Бастама жеке сипатта болғанына қарамастан, мектеп әкімшілігі мен аудандық білім бөлімі оқу орнындағы этикалық нормалар мен ашықтық принциптерінің сақталуын бақылауды босаңсытып алған", - деді министрліктегілер.

Тексеріс қорытындысы бойынша, мектеп басшылығы мен аудандық білім бөліміне қатысты тәртіптік шаралар қабылданған.

"Лауазымдық міндеттерін тиісінше орындамағаны және заңсыз ақша жинауға (соның ішінде ата-аналар комитеттері арқылы) бақылаудың жоқтығы үшін жалпы білім беретін мекеменің басшысы тәртіптік жауапкершілікке тартылды", - деп хабарлады баспасөз қызметі.

Аудандық білім бөлімінің басшысына да осындай жаза қолданылған.

"Аудандық білім бөлімінің басшысы да ведомствоға қарасты аумақтағы профилактикалық жұмыста жіберілген олқылықтары үшін тәртіптік жазаға тартылды", - деді ведомство өкілдері.

Айта кетейік, Михаил Козачковтың Instagram парақшасында жарияланған 11-сынып оқушысының анасының бейнеүндеуі тексеріске негіз болған.

Оның айтуынша, ата-аналардан мектеп бітіру кешін өткізуге ірі көлемде ақша жинауды сұраған. Жарияланған мәліметтерге сәйкес, ұйымдастырушылар 138 түлек пен олардың отбасыларынан 41 миллион теңгеден аса қаражат жинауды жоспарлаған. Бұл соманың 9 миллион теңгеге жуығы шоу-бағдарламаға жұмсалады деп болжанған.

Оқушының анасы есептеулерді өз бетінше жүргізіп, іс-шараны әлдеқайда арзанға өткізуге болатынына көз жеткізгенін хабарлады. Алайда, оның айтуынша, оның ұсынған нұсқасы қолдау таппаған.

Следите за нашими новостями в Google News