Алматы метросында оқ дәрі алып жүрген жігіт ұсталды

Бұл туралы қалалық Полиция департаментінің баспасөз қызметі мәлімдеді.

"Байқоңыр" станциясында метрополитен полициясының қызметкерлері көлік қауіпсіздігі қызметімен бірлесіп жолаушыны тексерді. Рентген-телевизиялық қондырғы оның сөмкесінен күмәнді затты көрсетті. Тексеру барысында калибрі 5,45 миллиметрлік ойық ұңғылы қаруға арналған екі патрон табылып, тәркіленді", – делінген хабарламада.

Жас жігіт ұсталып, аумақтық полиция қызметкерлеріне тапсырылды. Қазір оның оқ-дәрілерді қайдан алғаны және қандай мақсатпен алып жүргені анықталып жатыр.

Аталған дерек бойынша қылмыстық іс қозғалды. Оқиғаның өзге де мән-жайлары анықталып жатыр.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Ал бұған дейін Алматы тұрғынының кәдімгі балық аулауы жедел топтың шақырылуына себеп болған еді. Ол қармақ салып, судан оқ-дәрі салынған сөмкені алып шыққан.