Алматыда еріктілердің көмегімен 670 есірткі сайты бұғатталды

Оның айтуынша, жыл басынан бері полиция мен еріктілердің біріккен жұмысының арқасында есірткі тарататын 670 сайт пен Telegram-арна анықталған және бұғатталған. Ол наркоресурстарды интернет кеңістігін бақылау арқылы, сенім телефонына келіп түскен өтініштер және «E-Өтініш» платформасы арқылы, сондай-ақ жедел арналар арқылы анықталатынын атап өтті.

- Бір жағы азаматтар арқылы, бір жағынан өзіміз де әлеуметтік желіні бақылап, заңсыз ресурс туралы ақпаратты бірнеше дереккөзден алып отырамыз. Анықталған ресурсты кейін «Кибернадзор» жүйесіне жолдап, оны бұғаттаймыз, – деді Сұлушаш Досболова.

Полиция өкілінің айтуынша, барлық сайттар бірден жабыла бермейді. Кейде заңсыз заттарды таратушыларды анықтау үшін бұғаттау шаралары кейінге шегеріледі.

- Азаматтардан келіп түсетін ақпарат қауіпті жедел анықтап, шешім қабылдауға мүмкіндік береді. Есірткі тарататын наркосайтты, Telegram-арна мен есірткі жарнамалап жатқандарды көрсеңіз, +7 700 113 0102 WhatsApp нөміріне немесе Narko Shekteu Almaty тelegram-каналына хабарлап айтуға болады, - деді ол.

Еске салайық, Қазақстанның есірткіге қарсы цифрлық тәжірибесі шетелдіктерді қызықтырды.