Алматыдағы балаларға арналған тегін спорт секциялары: құжаттарды қайда және қалай тапсыруға болады

Алматыда балалар қалалық спорт басқармасына қарасты спорт мектептерінде тегін жаттыға алады. Жаңа оқу жылы алдында ата-аналар лайықты бағытты таңдап, құжат тапсыра алады, - деп хабарлайды Tengrinews.kz қалалық әкімдікке сілтеме жасап.

Спорт мектептерінде жеңіл және ауыр атлетика, бокс, дзюдо, күрестің түрлері, таэквондо, жүзу, гимнастика, велоспорт, семсерлесу, шаңғы спорты, хоккей, баскетбол, волейбол, шахмат және басқа да бағыттар бойынша сабақтар қолжетімді.

Баланы қалай тіркеуге болады?

Алдымен баланың жасы мен қызығушылығын ескере отырып, спорт түрін таңдау керек, содан кейін тиісті бағыты бар мектепті табу қажет. Қабылдау шарттары мен іріктеу мерзімдерін мектептің өзінен алдын ала нақтылап алған жөн.

Осыдан кейін құжаттарды дайындап, баламен бірге іріктеуге келу қажет. Оқуға қабылдау кезінде баланың жасы, физикалық дайындығы және таңдалған спорт түріне қабілеті ескеріледі.

Мамандандырылған спорт мектептеріне қабылдау іріктеуден өту және нормативтерді тапсыру арқылы жүзеге асырылуы мүмкін.

Қандай құжаттар қажет болады?

Негізгі тізімге мыналар кіреді:

спортпен шұғылдануға рұқсат беретін медициналық анықтама; баланың туу туралы куәлігінің көшірмесі; баланың ЖСН-і; ата-анасының біреуінің жеке куәлігінің көшірмесі; 3×4 өлшеміндегі екі сурет; медициналық құжаттар (063/у, 026/у нысандары); спорттық разряды немесе жетістіктері болған жағдайда - растаушы құжаттардың көшірмелері.

Қабылдау жасы, іріктеу талаптары және қажетті құжаттар тізімі спорт түріне және нақты мектепке байланысты өзгеруі мүмкін. Сондықтан барлық ақпаратты таңдалған спорт мектебінен алдын ала білу ұсынылады.

Қай жерде жаттығуға болады?

Алматыда мамандандырылған балалар мен жасөспірімдердің олимпиадалық резерв мектептері мен кешенді спорт мектептері жұмыс істейді:

№1 Олимпиадалық резервтегі мамандандырылған балалар-жасөспірімдер мектебі

Спорт түрлері: ауыр атлетика, байдарка мен каноэде есу, грек-рим күресі, велоспорт, еркін күрес, жүзу, баскетбол, дзюдо, таэквондо, шахмат.

Мекенжайы: Медеу ауданы, Жетбаев көшесі, 43/4.
Телефон: 8 701 300 05 92.

№2 Олимпиадалық резервтегі мамандандырылған балалар-жасөспірімдер мектебі

Спорт түрлері: жеңіл атлетика, бокс, таэквондо, грек-рим күресі, көгалдағы хоккей.

Мекенжайы: Брусиловский көшесі, 134А.
Телефон: 8 (727) 301-98-38.

№3 Кешенді балалар мен жасөспірімдер мектебі

Спорт түрлері: шаңғымен трамплиннен секіру, шаңғы қоссайысы, шаңғы жарысы, биатлон, конькимен жүгіру спорты, шорт-трек, мәнерлеп сырғанау, сноуборд, фристайл, тау шаңғысы спорты, шайбалы хоккей, кёрлинг.

Мекенжайы: Абай даңғылы, 44/3.
Телефон: 248-47-54.

№5 Мамандандырылған кешенді балалар мен жасөспірімдердің спорттық-техникалық мектебі

Спорт түрлері: нысана көздеу, стенд ату, дзюдо, еркін күрес, грек-рим күресі, жүзу, суға секіру, су добы, көркем жүзу, садақ ату, үстел теннисі, тоғызқұмалақ.

Мекенжайы: Жас Қанат ықшамауданы, 24Б.
Телефон: +7 707 967 24 95.

№6 Олимпиадалық резервтегі мамандандырылған балалар-жасөспірімдер мектебі

Спорт түрлері: дзюдо, таэквондо, каратэ, бокс, еркін күрес, грек-рим күресі.

Мекенжайы: Алатау ауданы, Зерделі ықшамауданы, 1/122.
Телефон: +7 707 001 08 01.

№7 Олимпиадалық резервтегі мамандандырылған балалар-жасөспірімдер мектебі

Спорт түрлері: дзюдо, таэквондо WT, үстел теннисі, бадминтон, классикалық волейбол, көркем гимнастика, баскетбол, бокс.

Мекенжайлары: Түрксіб ауданы, Рихард Зорге көшесі, 8А; Жетісу ауданы, Жайсан көшесі, 20/1.
Телефондар: +7 (727) 251-16-55, +7 (727) 351-86-95.

№8 Олимпиадалық резервтегі мамандандырылған балалар-жасөспірімдер мектебі

Спорт түрлері: семсерлесу, қазіргі бессайыс, таэквондо WT, спорттық құзға шығу, триатлон, спорттық билер, шахмат.

Мекенжайы: Достық ықшамауданы, Сәдуақасов көшесі, 35, 1-корпус.
Телефон: 393-52-82.

№9 Олимпиадалық резервтегі мамандандырылған балалар-жасөспірімдер мектебі

Спорт түрлері: спорттық гимнастика, батутта секіру, спорттық акробатика, дзюдо, еркін күрес, брейкинг.

Мекенжайы: Әуезов ауданы, 1-ші ықшамаудан, 20А.
Телефондар: 8 (727) 390-62-64, 8 (727) 390-62-63.

№10 Олимпиадалық резервтегі мамандандырылған балалар-жасөспірімдер мектебі

Спорт түрлері: бокс, таэквондо WT, каратэ WKF, жүзу, дзюдо, ауыр атлетика, семсерлесу.

Мекенжайы: Қазыбаев көшесі, 286/2.
Телефон: 8 (727) 220-36-56.

Алматы спорт клубтары

Мүгедектігі бар жандарға арналған "Алматы" спорт клубы

Спорт түрлері: жүзу, жеңіл атлетика, тоғызқұмалақ, дойбы, шахмат, мини-футбол, футбол, 5×5 футболы, пауэрлифтинг, армрестлинг, үстел теннисі, еркін күрес, грек-рим күресі, садақ ату, отырып ойнайтын волейбол, бадминтон, голбол, таэквондо, дзюдо, арбадағы би, арбадағы теннис, паравелоспорт, нысана көздеу, бочча.

Мекенжайы: Медеу ауданы, Мақатаев көшесі, 13.
Телефон: +7 (727) 397-57-55.

Ұлттық және ат спорты түрлері клубы

Спорт түрлері: қазақша күрес, жекпе-жек, тоғызқұмалақ, асық ату, құсбегілік, ат спорты, көкпар, аударыспақ, жамбы ату, теңге ілу, дәстүрлі садақ ату, бәйге.

Мекенжайы: Сәтбаев көшесі, 29/3, Орталық стадион, №3 кіреберіс.
Телефон: +7 708 311 15 01.

Олимпиадалық емес және бұқаралық спорт түрлері клубы

Спорт түрлері: кикбоксинг, джиу-джитсу, ушу-саньда, годзю-рю каратэ, кёкусинкай каратэ, муай-тай, шинкиокушинкай каратэ, самбо, грэпплинг (AIGA), комбат джиу-джитсу, кёкусин будокай каратэ, киокушинкай-кан каратэ, қоян-қолтық ұрыс, армрестлинг, унифайт, пенчак силат, эстетикалық топтық гимнастика, пауэрлифтинг, президенттік көпсайыс, спорттық туризм, спорттық бағдарлау, спортинг, аралас жекпе-жек (ММА), альпинизм, падел.

Мекенжайлары: Сәтбаев көшесі, 29/3, №3 кіреберіс; Айнабұлақ-2 шағын ауданы, 65/1, "Айнабұлақ" ДСК.
Телефон: +7 (727) 292-13-50.

Алматы қаласының Спорт басқармасына қарасты спорт мектептеріндегі сабақтардың тегін жүргізілетіні атап өтілді.

Google News арқылы жаңалықтарымызды қадағалаңыз

Жазылу