Алматыға 60 елден желаяқтар келеді

АСТАНА, 12 қыркүйек – Sputnik. Алматыда 27 қыркүйекте мерейтойлық Almaty Marathon өтеді. Сайысқа 60-тан астам елден 16 мың қатысушы қатысады, деп хабарлады қала әкімдігі.

© Photo : Пресс-служба акима Алматы27 сентября в Алматы пройдет юбилейный Almaty Marathon

27 сентября в Алматы пройдет юбилейный Almaty Marathon

© Photo : Пресс-служба акима Алматы

Марафонға желаяқтар Ресей, Қырғызстан, Өзбекстан, Қытай, Оңтүстік Корея, АҚШ, Ұлыбритания және басқа да елдерден келеді. Қатысушылар арасында Буэнос-Айрес, Сан-Паулу, Окленд, Сидней, Кейптаун, Ванкувер және Торонто секілді шалғай қалалардан жолға шығатындар да бар.

© Photo : Пресс-служба акима Алматы27 сентября в Алматы пройдет юбилейный Almaty Marathon

27 сентября в Алматы пройдет юбилейный Almaty Marathon

© Photo : Пресс-служба акима Алматы

Биылғы марафонның арнайы қонағы – 2018 жылы Бостон марафонында жеңіске жеткен жапониялық танымал жүгіруші Юки Каваучи. Қазақстанға алғаш рет келетін спортшы Алматыда 42,2 шақырымдық марафон қашықтығын жүгіріп өтеді.

Мерейтойлық жарысқа орай барлық қашықтықтың бағыттары жаңартылды. Биыл алғаш рет марафоншылар 42,2 шақырымдық қашықтықты бір айналыммен өтеді. Жарыс Абай алаңынан басталып, Республика алаңында мәресіне жетеді.

Қазір 42,2 және 21,1 шақырымдық қашықтықтарға тіркелу жалғасып жатыр. Қатысуға ниет білдірушілер марафонның ресми сайты арқылы өтінім бере алады.