Amazon дағы ақау ірі қызметтер жұмысын тоқтатты

Алғашқы үзілістер 20 қазан күні болды. Компания мәселені шешу және оның түпкі себебін анықтау үшін жұмыс істеп жатқанын мәлімдеді.

Зардап шеккен қызметтер арасында Fortnite, Snapchat, Roblox, Alexa, Canva, Airtable және McDonald’s болды. Пайдаланушылар жүктеу кезінде қиындықтар, авторизацияда қателіктер және қосымшалардың жұмысы баяулауы сияқты ақаулар туралы шағымданды.

— DNS-тегі негізгі мәселе толығымен шешілді және AWS қызмет операцияларының көпшілігі қазір қалыпты жұмыс істейді. Кейбір сұрау шектелуі мүмкін, біз мәселені толық шешу үстіндеміз, — делінген компания хабарламасында.

Естеріңізге сала кетейік, өткен аптада әлем бойынша 342 000-нан астам қолданушы YouTube, YouTube Music және YouTube TV-ге кіру қиындағанын айтып, шағымданған.