АҚШ Иран зымырандарының тек үштен бірін ғана жойды

АҚШ барлау деректеріне сәйкес, Иранның зымыран арсеналының тек шамамен үштен бірі ғана нақты жойылғаны расталған. Бұл туралы Reuters агенттігі жазады. Тағы бір бөлігі зақымдалған немесе жер асты қоймаларында жасырылған, ал қалған бөлігі әлі де қолдануға жарамды.

Бұл бағалау бұрын айтылған «Иранның әскери мүмкіндігі толық жойылды» деген мәлімдемелерге қайшы келеді. Сарапшылардың айтуынша, Иранның зымырандары мен дрондарының бір бөлігі сақталып, оларды әлі де қолдану мүмкіндігі бар.

Соған қарамастан, АҚШ пен Израиль жүргізген операция барысында Иранның әскери инфрақұрылымының едәуір бөлігі зақымданған. Бірақ жер асты нысандары мен жасырын жүйелер бұл әлеуетті толық жоюды қиындатып отыр, сондықтан Иран тарапынан қауіп сақталып отыр.