​АҚШ Парсы шығанағынан азаматтарын шығарып жатыр

АҚШ Мемлекеттік департаменті Катар, Иордания, Ирак, Бахрейн және Кувейттегі шұғыл міндеттерге қатысы жоқ қызметкерлер мен олардың отбасыларына елден шығу туралы нұсқау берді. Бұл шешім аймақтағы жағдайдың күрт шиеленісуіне байланысты қабылданды, деп хабарлайды АА.

Мәлімдемеде мемлекеттік қызметкерлерге және олардың отбасыларына қауіпсіздік мақсатында елді дереу тастап шығу ұсынылған. Сонымен қатар АҚШ азаматтарына аталған мемлекеттерге сапардан бас тарту жөнінде кеңес берілді. Дохадағы АҚШ елшілігі қауіпсіздік шаралары аясында консулдық қызметті уақытша тоқтатты.

28 ақпанда АҚШ пен Израиль Иранға қарсы әскери операция бастаған. Жауап ретінде Иран Израильге ғана емес, аймақтағы америкалық базаларға да соққы жасады. Ресми деректерге сәйкес, шабуылдар барысында Иранның жоғарғы басшысы аятолла Али Хаменеи және бірнеше жоғары лауазымды тұлғалар қаза тапқан. 

Иранның Қызыл Жарты ай ұйымы елде 555 адамның қаза тауып, 747 адамның жараланғанын хабарлады.

Бүгін, 13:47