АҚШ та жүк ұшағы апатқа ұшырады

Кентукки штатының губернаторы Энди Бешир баспасөз мәслихатында Луисвиллде United Parcel Services (UPS) жүк ұшағы апатқа ұшырап, үш адам қаза тауып, 11 адам жарақат алғанын айтты.

— Біз кем дегенде үш адам көз жұмды деп есептейміз. Бұл сан көбейеді деп ойлаймын. Бейнежазбаны көрген адам бұл апаттың қаншалықты қорқынышты болғанын біледі, — деді Бешар. 

UPS мәліметінше, MD-11 бортында үш экипаж мүшесі болған. CBS филиалы WLKY бұған дейін ұшақтың жанып жатқан қанаты мен соқтығысқан кезде атқылаған үлкен отты шардың бейнежазбасын таратқан.

Апаттан кейін ұшу-қону жолағынан тыс жерде орналасқан бірнеше ғимарат жалынға оранды, деп хабарлайды Reuters. Жарылыс кезінде ұшақта шамамен 38 000 галлон жанармай (шамамен 144 000 литр) болған.

АҚШ федералдық авиация басқармасының мәліметінше, апатқа ұшыраған ұшақ 34 жыл бұрын жасалған. Ол Гавайидегі Гонолулу қаласына бет алған. Ұшақ жергілікті уақыт бойынша шамамен 17:15–те құлады.

Луисвилл әуежайында компанияның жаһандық әуе жүк хабы және әлемдегі ең ірі пакеттерді өңдеу орталығы UPS Worldport орналасқан. Ұшақ апатынан кейін әуежай жабылды. 

Кентукки губернаторы ұшақта экологиялық проблема тудыратын қауіпті жүк болмағанын айтты.

Айта кетейік, осыған дейін АҚШ-та әскери қызметкерлер тікұшақ апатынан қаза тапты.