АҚШ тағы қазақ балалары: Қазақстаннан екенімді мақтан тұтамын!

24.KZ парақшасынан алынған деректерге сүйене отырып, Qazaq24.com хабарлама жасады..

«Қазақстаннан екенімді мақтан тұтамын!» Нью-Йорктің әйгілі Манхэттен ауданында Қазақстанның көк туы желбіреп, мемлекеттік әнұран шырқалған іс-шарада америкалық қазақ балалары осылай деп жылы лебізін білдірді. Кезінде Қазақстаннан АҚШ азаматтары асырап алған қаракөздер ерекше толқып, атамекеніне ақжарма тілек арнады.

Пол Сардар Бэбкок:

- Қазіргі уақытта Нью-Йорк университетінің студентімін. Америкадағы қазақ ретінде Қазақстан туы көтерілетін салтанатты шараға арнайы келдім. Барша қазақстандықтарға Республика күні құтты болсын дегім келеді. Бұл күннің маңызы айрықша. Қуаныштарыңыз еселене берсін. Қазақстаннан екенімді әрқашан мақтан тұтамын!

Джулиан Стронг:

- Туғандағы атым Юлиана Козлова екен. Қазақстанда туғандықтан атамекеніме қатысты шараларға үзбей қатысып келемін. Бұл мен үшін маңызды. Осылай жерлестерімді көріп, олармен араласуды ерекше бақыт деп санаймын және барша Қазақстан халқын Республика күнімен құттықтап, мерекені шаттықта өткізулеріңізді тілеймін.

Руслан Нэтэниэл Аспер:

- Өз ұлтымның мәдени мұрасы мен үшін өте маңызды. Қазақстанда өспесем де өзімді 100% қазақпын деп санаймын. Ішімдегі бір дауыс қазақы мәдениетке жетелеп тұратындай сезіледі. Бұл менің болмысымның бір бөлігі және осындай шаралар өзімді тануда септігін тигізеді. Барша Қазақстанға тілерім - қарыштап даму! Әлемің ең мықты еліне айналса екен деймін. Себебі халықтың жүрегі мейірімге толы. Бөтен адамға да қайырымдылығын аямайтын ел екеніне Қазақстанда жүргенде көзім жетті. Үйіне шақырып, қонақ етті. Өзімді отбасымдағыдай сезіндім. Нью-Йоркте жүрегі қазақ деп соғатын бір балаларыңыз бар екенін біле жүріңіздер.

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.