АҚШ зымыраны қателіктен Ирандағы мектепке тиген

28 ақпанда Американың «Томагавк» зымыраны қателіктен Ирандағы бастауыш мектеп ғимаратына соққы берген. Салдарынан кем дегенде 180 адам қаза тапты, олардың басым бөлігі  балалар, деп хабарлайды Arasha.kz.

Бірқатар БАҚ АҚШ әскерилерінің алдын ала тергеуіне сілтеме жасап хабарлауынша, мектепке жасалған соққы нысана туралы мәліметтердің ескіруінен болған. Ғимарат жақын маңдағы Иранның әскери-теңіз базасымен байланысты деп болжанған.

АҚШ Президенті Дональд Трамп журналистердің сұрақтарына жауап бере отырып, бұл оқиға туралы ақпараты жоқ екенін мәлімдеді.

Алайда, бұған дейін ол Иранның өзі мектепке зымыран атты деп айыптаған болатын.