Ақтау маңында құлаған ұшақ оқиғасына 1 жыл: Министрлік тексеріс нәтижелерін жария етті

Былтыр дәл осы күні Грозныйға бет алған азербайжандық AZAL компаниясына тиесілі Embraer 190 жолаушылар ұшағы Ақтау маңында апатқа ұшырады. Әуе апатынан 38 адам көз жұмып, 29 жолаушы жарақат алған еді. Сол уақыттан бері апаттың себебін анықтау мақсатында тергеу жүріп жатыр. Бүгін еліміздің Көлік министрлігі тергеудің аралық қорытындысын жариялады, деп жазады Egemen.kz.

Апатты тергеп-тексеру жұмысының комиссиясына Әзербайжан, Ресей, Бразилия уәкілетті өкіл болып, Халықаралық азаматтық авиация ұйымының (ИКАО) бақылаушысы мүшелік етіп отыр. 

Оқиғаға қатысты алдын ала тергеу қорытындысы бұған дейін 4 ақпан күні жарияланған. 

Тергеу барысында әуе диспетчерлерінің, ұшуға дайындық, оны орындауға арналған құжаттар мен метеорологиялық ақпарат пен техникалық қызмет көрсету материалдары талданған. Сондай-ақ ұшу деректерін тіркейтін құрылғы мен өзге де маңызды қызметтердің орындалу барысына қатысты мәлімет алынған. 

«Тергеу кезінде анықталған бөгде металл заттарға (сыртқы объектілер) кешенді (трасологиялық, баллистикалық, жарылыс-техникалық және өрт) сараптама жүргізілді. Сараптама нәтижелері бойынша жарылғыш заттардың іздері табылған. Зерттеуге ұсынылған үш оттегі баллонында жарылыс іздері жоқ. №2 гидравликалық жүйе түтігінің бір бөлігіне трасологиялық сараптама жүргізілді. Зерттеу нәтижелері бойынша түтікте зақым бар екендігі анықталды», делінген Көлік министрлігінің хабарламасында. 

Комиссияның екінші тобы қақтығыс аймағынан ұшу кезіндегі тәуекелдерді зерттеуге ден қойған. Бүгінде комиссия Ресей және Әзербайжан авиациалық билігі, «Azerbaijan Airlines» әуекомпаниясы ұсынған ықтимал болжамдарға талдау жүргізіп жатыр. Министрлік мәліметінше, тергеудің осы бөлігінде ұшу қауіпсіздігін қамтамасыз ету кезінде азаматтық және әскери секторлардың өзара іс-қимылы мәселелері де қарастырылып жатыр. 

«Қазір тергеп-тексеру жөніндегі комиссия техникалық қызмет көрсетудің орталық компьютерінің (Central Maintenance Computer) кассетасын зерттеу жұмыстарының аяқталуын, сондай-ақ қақтығыс аймақтарының үстінен немесе олардың маңында ұшуды орындау кезіндегі тәуекелдерді бағалау талдауы бойынша жұмыс тобының есебін күтіп отыр», делінген министрліктің алдын ала тексеру нәтижелері жарияланған құжатта.

Қайғылы оқиғадан кейін Мемлекет басшысы Қасым-Жомарт Тоқаев Қазақстан ұшақ апатын зерттеуге бар күш-жігерін салатынын мәлімдеген. 

Еске салайық, қаза тапқандардың арасында 3 экипаж мүшесі болған. Апаттан аман қалған азаматтар жергілікті ауруханада ем алды. 

Еліміздің құзырлы органдары апаттан қаза тапқан өзге шетел азаматтарының мәйітін еліне жеткізу ісіне белсенді қатысты. 

Президент ұшақ апаты кезінде көмектескен әрбір жанға алғыс айтып, 10 құтқарушыға мемлекеттік награда табысталған болатын. 

Соңғы жаңалықтар

Депутат: Қазақстанның ақшасына неліктен шетелдік корпорацияны қаржыландырып отырмыз?

Қоғам • Бүгін, 10:23

Ақтау маңында құлаған ұшақ оқиғасына 1 жыл: Министрлік тексеріс нәтижелерін жария етті

Оқиға • Бүгін, 10:20

Алматыда энергетикалық сусыннан жүрек ауруына шалдыққан науқасқа ота жасалды

Қоғам • Бүгін, 10:15

Ақсайда келешек мектебі ашылды

Аймақтар • Бүгін, 10:04

Солтүстік Корея алғашқы атомдық сүңгуір қайығын таныстырды

Әлем • Бүгін, 09:57

Қазақстанда қолма-қол ақшамен есептесетіндер үлесі күрт өсті

Қаржы • Бүгін, 09:53

Шымбұлақтағы мейрамханада болған жанжалға Алматы полициясы түсініктеме берді

Оқиға • Бүгін, 09:43

Өскеменде подъезд тұтқасын ұстаған жас жігітті ток соғып, жүрегі тоқтап қалған

Оқиға • Бүгін, 09:30

Түркияда жаңа жыл кезінде теракт жасамақшы болған 115 адам ұсталды

Әлем • Бүгін, 09:20

Шымкент әуежайы авиаотын бағасын қолдан өсірген

Оқиға • Бүгін, 09:13

Сенат қызметінің нәтижесі: Биыл 102 заң қаралды

Үкімет • Бүгін, 09:10

Ішкі нарықты қорғау міндеті

Саясат • Бүгін, 09:05

Қостанай облысында оқушылар қашықтан оқуға көшірілді

Аймақтар • Бүгін, 09:02

Оңтайлысы онлайн төлем бе?

Қаржы • Бүгін, 09:00

Бүгін елімізде аяз, бұрқасын күтіледі

Ауа райы • Бүгін, 08:59

Барлық жаңалықтар