Aқтау маңындағы ұшақ апаты: екі шетелдік зертхана деректерді жіберген жоқ

АСТАНА, 21 қаңтар – Sputnik. Қазақстан Azal ұшағы апатын тергеу бойынша екі шетелдік зертханадан деректер алған жоқ, деді көлік министрі басшысы Нұрлан Сауранбаев.

"Ішкі келісім бойынша зертханалық зерттеуді екі тарапқа – Ресей Федерациясы мен Әзербайжан тарапына тапсырдық. Әзербайжан тарапы бұдан әрі шетелдік сарапшыларға тапсырды", - деді Сауранбаев.

Министрдің айтуынша, бұл деректердің нақты қашан келетіндігі әзірге белгісіз.

Ақтау маңындағы ұшақ апаты

Бакуден Грозныйға ұшқан Әзербайжан әуе компаниясының Embraer 190 ұшағы 2024 жылдың 25 желтоқсанында таңертең Ақтау қаласының маңында апатқа ұшырады.

Әуе компаниясы бортта 62 жолаушы мен бес экипаж мүшесі болғанын хабарлады.

Қазақстан ТЖМ құтқарушылары Ақтау медициналық мекемелеріне зардап шеккен ондаған адамды жеткізді. 29 адам аман қалды, оның ішінде тоғыз ресейлік бар.

Бұған дейін көлік министрлігінің басшысы Нұрлан Сауранбаев лайнердің апатқа ұшырағаны туралы қорытынды есеп екі шетелдік зертханадан деректер алынғаннан кейін жарияланатынын хабарлаған еді.