Ақтаудағы Sax Invest пирамидасы: ұйымдастырушылар 7 жыл түрме жазасын алды

Ақтауда «Sax Invest» қаржы пирамидасын ұйымдастырған қылмыстық топқа қатысты сот үкімі шықты.

2018–2022 жылдары олар мыңнан астам азаматтан 9 млрд теңгеден астам қаражат жинаған. Тергеу барысында қаржының бір бөлігі ұйымдастырушылардың жеке шоттарына аударылып, жеке мақсаттарға жұмсалғаны анықталды.

Сот сегіз адамды кінәлі деп танып, 6–7 жылға бас бостандығынан айыру жазасын тағайындады. Сонымен қатар олардың мүлкі мен цифрлық активтері тәркіленді. Үкім әлі заңды күшіне енген жоқ.

Бүгін, 15:40