Әскерден босатылғаны туралы анықтаманы кадр бөліміне беру міндеттелмейді

Бұдан былай ер азаматтар әскерден босатылғаны туралы анықтама құжатты кадр бөліміне беруге міндеттелмейді.

Себебі HR мұндай ақпаратты қорғаныс министрлігінің цирфлық жүйесінен ала алады. Яғни елдегі 16 жастан 63 жасқа дейінгі ер азаматтар жайлы мәлімет бірыңғай жүйеге енгізілген. Бұл тізбеде азаматтардың қай өңірде тұрып жатқаны, қандай мамандық игергені туралы мағлұмат толық көрсетілген. Бүгінде миллионнан астам азамат әскерден босатылған. Цифрландыру және ІТ қызметкерлері күні қарсаңында ведомствоның цифрлық жобалары таныстырылды. Соның бірі «Smart әскери комиссариат» жүйесі. Ол әскерге шақыру туралы СМС хабарлама жіберіп, автоматты түрде тіркеу қызметін атқарады. Ал ARMIA.KZ сайтында әскери қызмет жайлы толыққанды кеңес алуға болады.

Дархан Ахмедиев, ҚР Қорғаныс министрінің орынбасары:

- 40 күндік әскерді де цифрландырдық. Егер бұрында бұл процесс жабық түрде өтетін болса, мен барғым келеді деп заявление жазғаннан кейін ала ма, алмай ма? Қай жерде очередьте тұрмын? Білмейтінмін. Қазір жаңағы садиктегі очередь сияқты 40 күндік әскерге қай жерде бергенін біліп отырады.