Асқар Ақаев: Қырғызстанға реформаларды жалғастыру үшін тұрақтылық қажет

Фото: kaktus.media

Асқар Ақаев өз сөзінде Қырғызстан алдағы 8-10 жыл ішінде экономикалық табысқа қол жеткізуі мүмкін екендігін атап өтті.

«Мен келесі 10 жылдықта еңбекқор қырғыз халқы жаңа экономикалық ғажайып жасай алатынына сенемін. Халқымыз Садыр Жапаровты күрделі кезеңде президент етіп сайлады. Ол кезде экономика терең дағдарыста, ал әлеуметтік-саяси ахуал шиеленіскен болатын. Бүгінде экономикада оң динамика байқалады», деді Ақаев.

Ол сондай-ақ экономикалық өсімнің нәтижелері толық әсерін 3-5 жылдан кейін беретінін айтты.

Мемлекет басшысы Қырғызстанның Жогорку Кенешінің Төрағасын қабылдады

Асқар Ақаев Қырғызстан халқы стратегиялық тұрғыда дұрыс шешім қабылдайды деген пікір білдіріп, президентке ұзақ мерзімді реформаларды жүзеге асыру үшін қосымша мандат беру маңызды екенін жеткізді. Сонымен қатар ол Қырғызстанның БҰҰ Қауіпсіздік Кеңесінің тұрақты емес мүшесі болып сайлануын ел тарихындағы маңызды оқиға екендігін жеткізді.

Еске сала кетейік, 3 маусымда Қырғызстан алғаш рет БҰҰ Қауіпсіздік Кеңесінің тұрақты емес мүшесі атанды. Көрші ел дауыс берудің төртінші турында 142 дауыс жинап, Азия-Тынық мұхиты өңірі атынан үміткер болған Филиппин мемлекетінен басым түсті.