Астана маңында жүк көлігі қатысқан ЖКО да екі адам қаза тауып, 8 адам зардап шекті

Астана - Петропавл тасжолының 97-шақырымында жол апаты болып, салдарынан екі адам қаза тапты, тағы сегіз адам түрлі дәрежедегі жарақат алды, - деп хабарлайды Tengrinews.kz.

Жол-көлік оқиғасы 10 тамызда болды. Ақмола облыстық Полиция департаменті мәліметінше, тасжолда Mercedes-Benz Sprinter мен ГАЗ-53 көліктері соқтығысқан. Апат салдары видеоға түсірілді.

"Жол-көлік оқиғасы салдарынан Mercedes-Benz Sprinter автокөлігінің екі жолаушысы қаза тапты, осы көліктің тағы жеті жолаушысы мен ГАЗ-53 автокөлігінің бір жолаушысы түрлі дене жарақаттарымен медициналық мекемеге жеткізілді", - деп хабарлады полициядағылар.

Баспасөз қызметі мәліметінше, Mercedes-Benz жүргізушісі ұсталып, уақытша ұстау изоляторына қамалған. Қазіргі уақытта соталды тергеу амалдары жүргізіліп жатыр.

Бұған дейін полиция жол-көлік оқиғаларының алдын алу үшін жол қозғалысы ережелерін қатаң сақтау, жол жағдайын ескеру және автокөліктің техникалық жай-күйін қадағалау қажет екенін ескерткен болатын.

Тағы оқыңыз: Қазақстанның қай өңірінде рөлге отыру қауіптірек: жол апаттарының жаңа статистикасы

Google News арқылы жаңалықтарымызды қадағалаңыз