Астанада ұзындығы 1,4 шақырым болатын ерекше мұз айдыны пайда болады

Астанада коньки тебуге арналған жолдары бар жаңа паркі ашылмақ. Ол Желілік саябақта болады, деп хабарлайды Tengri Life.

Жаңа мұз айдыны Abu Dhabi Plaza сауда ойын-сауық орталығы маңында ашылады. Қазір онда дайындық жұмыстары жүріп жатыр.

Астана әкімдігі баспасөз қызметінің мәліметінше, бұл мұз айдыны өзгеше болады. Бір үлкен мұз айдыны орнына келушілерге коньки тебуге болатын ұзындығы 1,4 шақырымдық бағыт ұсынылады.

Мұз жабынының жалпы ауданы 6 мың шаршы метр болмақ.

Фото © Tengrinews.kz / Нұрлан Алжабаев

Фото © Tengrinews.kz / Нұрлан Алжабаев

Мұз паркі аумағында жылы павильондар, коньки жалдау орындары, отбасылық демалыс аймақтары мен қоғамдық тамақтану орындары қарастырылған. Кеңістік мерекелік иллюминациямен безендіріледі.

Фото © Tengrinews.kz / Нұрлан Алжабаев

Мұздың сапасын сақтау үшін арнайы тоңазытқыш жабдықтар орнатылып, мұз тегістейтін машиналар қолданылады.

Фото © Tengrinews.kz / Нұрлан Алжабаев

Сондай-ақ мұз үстінде ерекше визуалды көрініс жасауға мүмкіндік беретін жарық және интерактивті технологияларды қолдану қарастырылып жатыр.

Фото © Tengrinews.kz / Нұрлан Алжабаев

Мұз айдынын 2026 жылғы 15 қарашада ашу жоспарланған. Алғашқы маусым 2027 жылғы 31 наурызға дейін жалғаспақ.

Жаңа мұз айдынының көрінісі. Суретті әкімдік ұсынды

Еске сала кетейік, синоптиктердің болжамы бойынша, алдағы күндері елордада түнде үсік жүреді. Сонымен қатар бұған дейін Үкіметте қазан мен қарашаға арналған ауа райы болжамы айтылған: биыл күз айтарлықтай жылы болмақ.

Бізді Google-дың негізгі дереккөздер тізіміне қосыңыз