Астанада заңсыз активтер есебінен 12 білім беру нысанына қанша қаражат бөлінді

— Бүгінде аталған 12 нысанның 8-і пайдалануға берілді. Атап айтқанда, № 53, № 44, № 59 және № 5 мектептеріне қосымша ғимараттар, Көксеңгір көшесі бойындағы мектеп, Қарасай батыр мен Бұланты көшелері ауданындағы мектеп, Ұлы дала даңғылы мен Сауран көшесі қиылысындағы, сондай-ақ Тұран даңғылы мен № 24 көшесі ауданындағы мектептер іске қосылды, — деп жауап берді ведомство Kazinform агенттігінің сауалына.

Сонымен қатар қалған 4 нысанның құрылысы 2026 жылғы 1 қыркүйекке дейін аяқталады деп жоспарланып отыр. Олар — № 79, № 86, № 17 және № 27 мектептеріне арналған қосымша ғимараттар.

Бұған дейін Бас прокуратура былтыр соттар мемлекетке 165 млрд теңгеге жуық заңсыз активтерді қайтару туралы шешім шығарғанын хабарлаған еді.

Сонымен қатар Мемлекет басшысы Қасым-Жомарт Тоқаев Turkistan газетіне берген сұхбатында заңсыз активтерді елге қайтару арқылы әлеуметтік әділдікті қалпына келтіру — конъюктура не болмаса жұртқа жағу үшін жасалған саяси науқан емес деп атап өтті.

Еске сала кетейік, 2022 жылдан бері мемлекетке және квазимемлекеттік сектор субъектілеріне 1 триллион 130 миллиард теңгеден астам актив қайтарылды.