Астананың 55 жастағы тұрғыны анасын өлтіргені үшін 11 жылға сотталды

Астана қаласының 55 жастағы тұрғыны анасына қатысты кісі өлтіру әрекеті үшін ұзақ мерзімге бас бостандығынан айырылды, – деп хабарлайды Aikyn.kz сайты журналист Михаил Козачковқа сілтеме жасап.

Сот процесі барысында Сергей Овсянниковтың анасын буындырып өлтіргені, кейін бұл оқиғаны суицид ретінде көрсетуге тырысқаны анықталды. 2025 жылғы шілдеде ол анасының денсаулығы кенеттен нашарлады деп, үйге жедел медициналық көмек шақырған. Дәрігерлер келген кезде қарт әйелдің қайтыс болғаны расталды. Алайда мәйітті тексеру кезінде мойын тұсынан гематомалар табылып, өлімнің тұншығу салдарынан болғаны белгілі болды.

Күдікті өз түсініктемесінде оны сүлгімен асылмақ болғанын және кейін өзі шығарып алғанын айтқан. Дегенмен көршілер мен таныстары бұл нұсқаны жоққа шығарды. Куәгерлердің айтуынша, Овсянников еш жерде жұмыс істемей, анасының зейнетақысын ішімдікке жұмсап, айналасындағыларға, соның ішінде балалар мен әйелдерге агрессия көрсеткен. Сондай-ақ ол төсек тартып жатқан анасына да жүйелі түрде қол көтерген.

Сот сараптамалар мен куәгерлердің айғақтарын ескере отырып, Сергей Овсянниковты кісі өлтіру бабымен кінәлі деп таныды. Сот шешімі бойынша ол 11 жылға бас бостандығынан айырылды. Қазіргі таңда үкім заңды күшіне енген жоқ.