Астананың аты аңызға айналған вокзалын ертерек іске қосуға уәде берілді

Реконструкция жүргізіліп жатқан Астана-1 вокзалын 2026 жылдың аяғына дейін ашу жоспарланған болатын, бірақ Мақсат Қалиақпаровтың айтуынша, бұл ертерек жүзеге асуы мүмкін, - деп хабарлайды Tengri Travel.

Реконструкция жүргізіліп жатқан Астана-1 вокзалын 2026 жылдың аяғына дейін ашу жоспарланған болатын, бірақ Мақсат Қалиақпаровтың айтуынша, бұл ертерек жүзеге асуы мүмкін, - деп хабарлайды Tengri Travel.

Ол бұл туралы Үкімет кулуарында мәлімдеді.

Журналистер Мақсат Қалиақпаровтан вокзалдың іске қосылу мерзімі туралы сұрады.

"Күзде, қысқы кезеңге дейін іске қосуға тырысамыз", - деді ол.

Оның айтуынша, вокзал стратегиялық маңызды нысан болғандықтан, жұмыс жеделдетілген режимде жүргізіліп жатыр.

"Бұл стратегиялық нысан екенін білеміз, сондықтан жұмысты барынша қысқа мерзімде аяқтау үшін жобалау мен құрылыс қатар жүретін келісімшарт бойынша салып жатырмыз", - деп түсіндірді ол.

Сондай-ақ вокзалда заманауи жеке фуд-аймақ ашу жоспарланған.

ОБСУЖДАЕТСЯ СЕЙЧАС

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

"Бұл жаңа концепция. Вокзалдың ішіне иіс жайылмас үшін сауда орталықтарындағыдай жеке фуд-аймақ болуын талап еттік. Фуд-корт бөлек, күту залы бөлек болады", - деді Қалиақпаров.

Бұған дейін Астана-1 вокзалын реконструкциялау құны үш есеге жуық қымбаттағанын жаздық: егер 2024 жылы 6 миллиард теңге туралы айтылса, кейінірек бұл сома 16,6 миллиард теңгеге дейін өскен. "ҚТЖ" мұны нысанға қойылатын талаптардың артуы, жұмыс көлемінің кеңеюі және жаңа аралдық платформаның салынуымен түсіндірді.

Қаңтарда Көлік министрлігі вокзал кешенінің жаңа бөлігі бойынша құрылыс-монтаждау жұмыстарын 2026 жылғы қазанның аяғына дейін аяқтау жоспарланғанын хабарлаған болатын.

Сонымен қатар, реконструкциядан кейін вокзалдың жоспарлануы жаңарып, заманауи инженерлік және цифрлық шешімдер енгізілетіні, ал ауданы 7 827-ден 8 409 шаршы метрге дейін ұлғаятыны атап өтілді.

Google News арқылы жаңалықтарымызды қадағалаңыз