Атырау облысында жаңа прокурорлар тағайындалды

Қазақстан Республикасының Бас прокурорының 2025 жылғы 24 желтоқсандағы бұйрығымен Атырау облысы прокуратура органдарында бірқатар кадрлық тағайындаулар жасалды.

Бақтияр Қанатұлы Кеулімжай облыс прокурорының аға көмекшісі қызметінен босатылып, Мақат ауданының прокуроры болып тағайындалды.

Бақтияр Қанатұлы 1979 жылы туған. Прокуратура органдарындағы қызметін 2000 жылы Ақтөбе қаласы прокуратурасында бастаған. Әр жылдары облыстық аппаратта жұмыс істеп, табиғат қорғау прокурорының орынбасары, басқарма бастығы қызметтерін атқарды, бес жыл бойы Қызылқоға ауданы прокуратурасын басқарды, сондай-ақ облыс прокурорының өзіндік қауіпсіздікті қамтамасыз ету жөніндегі аға көмекшісі міндетін атқарған. 

Прокуратура органдарындағы жалпы еңбек өтілі — 19 жыл 3 ай.

Осы бұйрықпен Магилан Еркінұлы Рахимов Мақат ауданының прокуроры қызметінен босатылып, Жылыой ауданының прокуроры болып тағайындалды.

Магилан Еркінұлы 1984 жылы Индер ауданында туған. Прокуратура органдарындағы қызметін 2007 жылы Құрманғазы ауданы прокуратурасында бастаған. Әр жылдары Құрманғазы ауданы прокурорының орынбасары, облыстық аппарат қызметкері болды, бес жыл бойы Құрманғазы ауданы прокуратурасын басқарды. 2024 жылдан бастап Мақат ауданының прокуроры қызметін атқарған. 

Жалпы еңбек өтілі — 18 жыл 5 ай.

Сонымен қатар Еркебұлан Нұрымұлы Ермеков Жылыой ауданының прокуроры қызметінен босатылып, Қызылқоға ауданының прокуроры болып тағайындалды.

Еркебұлан Нұрымұлы 1987 жылы Қызылқоға ауданында туған. Прокуратура органдарындағы қызметін 2009 жылы Қызылқоға ауданы прокуратурасында бастаған. Облыстық аппаратта жұмыс істеп, Қызылқоға ауданы прокурорының орынбасары, Атырау қаласы прокуратурасы бөлімінің бастығы, облыс прокурорының аға көмекшісі, табиғат қорғау прокурорының орынбасары, табиғат қорғау прокуроры қызметтерін атқарды. 2024 жылдан бастап Жылыой ауданының прокуроры болған. Жалпы еңбек өтілі — 16 жыл 2 ай.

Кадрлық шешімдер жоспарлы ротация аясында қабылданып, өңір прокуратура органдарының жұмыс тиімділігін арттыруға бағытталған.

Бүгін, 14:45