Атырау облысында прокурордың бірінші орынбасары тағайындалды

Қазақстан Республикасының Бас прокурорының 2025 жылғы 30 қазандағы бұйрығымен әділеттің аға кеңесшісі Елдос Тоқтасынұлы Қылымжанов Атырау облысы прокурорының бірінші орынбасары қызметіне тағайындалды.

Елдос Қылымжанов 1977 жылы Алматы облысында дүниеге келген. Әл-Фараби атындағы Қазақ ұлттық университетінің заң факультетін «Құқықтану» мамандығы бойынша тәмамдаған.

Прокуратура органдарындағы қызметін 1998 жылы бастаған. Алматы облысының Ұйғыр және Талғар аудандарында прокурордың көмекшісі, аға көмекшісі болып жұмыс істеген. Кейін Алматы қаласы прокурорының орынбасары, Алмалы ауданының прокуроры, Оңтүстік-Шығыс өңірінің көлік прокурорының көмекшісі, Астана қаласының көлік прокуроры, Есіл ауданы прокурорының орынбасары, сондай-ақ Астана қаласы прокурорының орынбасары қызметтерін атқарған.

2021 жылдан бері Қазақстан Республикасы Бас прокуратурасының сотқа дейінгі тергеп-тексерудің және қылмыстық қудалаудың заңдылығына қадағалау қызметі басшысының орынбасары лауазымында болды.

Бүгін, 13:01