Атырау қалалық әкімдігі маңындағы шатыр қирап тұр

Атыраудағы қалалық әкімдік жанындағы шатырлы құрылым апатты жағдайға жетті. 

Қалқасы салбырап, бекіткіштері босап қалған нысан қараусыз қалғандай көрінеді, әрі қала тұрғындары үшін қауіпті болуы мүмкін.

Мұндай көрініс Жайық өзенінің жағалауындағы ең көп баратын аумақтардың бірінде тіркелді. Куәгерлердің айтуынша, шатыр іс жүзінде өзінің қызметін жоғалтқан және қараусыз қалған уақытша құрылымға көбірек ұқсайды. Әсіресе қыс мезгілінде қатты жел мен жауын-шашын кезінде құлау қаупі арта түседі.

Қалалық әкімдік бұл мәселені білетінін растады, бірақ нақты түсініктеме берген жоқ. 

– Қазір тексеру жүргізуге тапсырма берілді, қорытынды бойынша тиісті шешім қабылданады, – деп хабарлады баспасөз қызметі.

Бұл жағалаудағы алғашқы мәселе емес. Бұған дейін су тасқынына қарсы жұмыстар кезінде кесек тастар бүлініп, тұрғындардың наразылығын тудырған болатын. Өткен жылы жөндеу жүргізілгенімен, инфрақұрылымның кейбір элементтері әлі де сынға ілігуде.

Жайық өзенінің оң жағалауы 2020 жылы реконструкцияланған болатын. Жобаның жалпы құны шамамен 4 млрд теңгені құрады, жұмыстар NCOC компаниясының демеушілік қолдауымен атқарылды. Нысан заманауи қоғамдық кеңістік әрі Атыраудың көрнекті орындарының бірі ретінде таныстырылған еді.

Алайда бірнеше жыл өткен соң тұрғындар қайтадан қираған нысандар мен уақытша шешімдерге тап болып отыр. Миллиардтаған қаржы жұмсалған инфрақұрылым неге бірнеше жыл ішінде қайта жөндеуді қажет етеді деген сұраққа ресми түсініктеме берілген жоқ.

Айгүл МАНСУРОВА

Видеоны «Ақ Жайық» оқырмандары жолдады

Бүгін, 15:22