Атырауда Арнайы экономикалық аймақ құрылды

Атырауда «Арнайы экономикалық аймақ» құрылды. Алғашқы кезеңінде мұнда 320 млрд теңге инвестиция тартылып, екі жарым мыңнан астам жаңа жұмыс орны ашылмақ.

Қазір жобаға 70-ке жуық отандық және шетелдік компания қамтысуға ниетті. Елдің көмірсутегі шикізатының 65 пайызы шоғырланған өңірдің өндірістік әлеуетін арттыратын жоба тек мұнай-газ химиясы емес, барлық салаға серпін береді деген жоспар бар.   

Данияр Орынбасаров, Кәсіпкерлік және өнеркәсіп басқармасының басшысы:

- Қазіргі таңда инженерлік коммуникациялық инфрақұрылым жұмыстарының жобалық құжаттамалары әзірленуде. Жалпы құрылған аймаққа 1 трлн теңгеге жуық инвестиция тарту күтілуде. Сонымен қатар 4 мыңға жуық жаңа жұмыс орнын құру көзделуде.