Атырауда мемлекеттік мектеп ғимаратты 14 миллион теңгеге жалдап отыр

Жақында ашылған №45 жалпы білім беретін мектеп меншікті ғимаратының болмауына байланысты басқа ғимаратты жалға алуға мәжбүр.

Естеріңізге сала кетсек, 2023 жылы сот шешімімен Атырауда лицензиясыз жұмыс істеген жекеменшік «Қазақ ұлттық қыздар мектебі» жабылған болатын. Оның орнына жергілікті билік жедел түрде қыздарға арналған «Атамекен» атты №45 мемлекеттік орта мектебін құру туралы шешім қабылдады.

Бұл 11 жылдық қазақ мектебі мемлекеттік білім берудің барлық стандарттары бойынша жұмыс істейді және уақытша Досмұхамбетов көшесіндегі жалға алынған ғимаратқа орналасты. Ол кезде бұл шара «жеке ғимарат құрылысы аяқталғанға дейін» деп хабарланған болатын. Алайда «Ақ Жайық» тілшісі анықтағандай, құрылыс жұмыстары әлі басталмаған.

Ресми мәлімет алу үшін Атырау қалалық білім бөліміне жолықтық. 

Қалалық білім бөлімінің басшысы Айнагүл Дүйсекенованың айтуынша, облыстық білім басқармасы «Атамекен» мектебін Тілендиев көшесіндегі санаториялық мектеп-интернат ғимаратына көшіруді ұсынған.

«Бірақ аталған ғимарат санитарлық-эпидемиологиялық талаптарға сәйкес келмегендіктен, біз заң бұзушылықтарды жойып, сондай-ақ теңгерімге тек оқу корпусын ғана қабылдау туралы қызметтік хат жолдадық (аумақта тұрғын үйлер мен апаттық ғимараттар бар)», — деді ол.

№45 мектеп үшін ай сайынғы жалдау ақысына жергілікті бюджеттен жұмсалатын қаражат мөлшері 14,2 миллион теңгені құрайды. «Атамекен» орналасқан ғимарат жеке кәсіпкерге тиесілі. Қазіргі уақытта мектепте 781 оқушы білім алып жатыр.

Лев ГУЗИКОВ

Бүгін, 10:46