​Атырауда үш көлік соқтығысып, Haval​ жүргізушісі ауруханаға түсті

19 маусым сағат 17:30 шамасында Өркен шағын ауданында Haval, Renault Duster және Hyundai Elantra автокөліктері соқтығысқан жол-көлік оқиғасы орын алды.

Апат салдарынан Haval автокөлігінің жүргізушісі жарақат алып, Атырау облыстық ауруханасына жеткізілді.

Атырау облысы Полиция департаментінің мәліметінше, қазір оқиғаның барлық мән-жайы анықталып, қажетті материалдар жинақталып жатыр.

Полиция жүргізушілерге қиылыстардан өткен кезде жол жүру ережесін сақтап, жол белгілерінің талаптарын орындау және жолда мұқият болу қажет екенін еске салды.

Ләззат ҚАРАЖАНОВА

Бүгін, 18:22