Атырауда үш күннен бері хабарсыз кеткен ер адам іздестірілуде

55 жастағы Талғат Назаров, туыстарының айтуынша, ауылдан қалаға дәрігердің кеңесін алу үшін келген екен.

Жақындарының айтуынша, Назаров қалада жақсы бағдарлай алмайды және эпилепсия дертімен ауырады.

Кеше Жайық өзенінің жағасынан жоғалған адамның ұялы телефоны мен бас киімі табылды. Туыстарының айтуынша, олар Талғат Назаровқа тиесілі. Алайда әзірге басқа жаңа іздер анықталған жоқ.

«Әкем қаланы дұрыс білмейді, эпилепсия сырқаты бар. Біз оның тірі екеніне қатты үміттенеміз», — деді жоғалған адамның ұлы Мақсат Таубаев.

Қазір туыстары іздестіру шараларын күшейтуді сұрап, ер адамды көрген немесе қандай да бір ақпарат білетін жандардан полицияға хабарласуды өтінеді.

Айгүл МАНСУРОВА

Бүгін, 15:49