Атырауда Жилгородоктағы лицейде өрт шықты

Атырауда Жилгородок ықшамауданындағы Жолдасқали Досмұхамбетов атындағы мамандандырылған мектеп-лицейде өрт шықты.

Оқиға 25 маусым күні күндіз болған. Оқиға орнына Төтенше жағдайлар департаментінің бөлімшелері жетті. Алдын ала мәлімет бойынша, ғимараттағы адамдар түгел эвакуацияланды, зардап шеккендер туралы ақпарат жоқ. Өрттің шығу себебі анықталуда.

ТЖД дерегінше, М. Әуезов даңғылындағы екі қабатты ғимараттың шатырынан от шыққан. Жалын 280 шаршы метр аумақты қамтыған.

Оқиға орнына ТЖМ күштері мен құралдары жұмылдырылды. Өрт сөндірушілер келгенге дейін мектеп қызметкерлері ғимаратты өздері босатқан. 

Құтқарушылардың жедел әрекетінің арқасында оттың әрі қарай таралуына жол берілмеді. Өрт толықтай сөндірілді. Зардап шеккендер жоқ.

Анастасия ШЕРСТЯНКИНА

Видео әлеуметтік желіден

Кеше, 19:23