Ауыр дерттен көз жұмды : Танымал актер 80 жасқа қараған шағында дүниеден озды (ФОТО)

Театр және кино актері Виталий Солодуненко 20 қаңтар күні 80 жасында дүниеден озды, деп хабарлайды Arasha.kz.

Марқұм актер кино саласында да белсенді еңбек еткен. Оның соңғы жұмысы – 2024 жылы экранға шыққан "Овчарка" детективтік сериалы болды.

Актердің бұрынғы әріптесі Кира Краус Солодуненконың адами қасиеттерін ерекше атап өтті.

"Виталий Терентьевич өте мейірімді, ашық мінезді, керемет әзілқой адам еді. Ешқашан шағымданбайтын, әрдайым орнымен әзіл айтатын. Репетиция кезінде онымен жұмыс істеу әрдайым көңілді болатын. Мұндай жандар өте сирек. Онымен бірге жұмыс істеп үлгергеніме қуаныштымын", – деді ол.

Виталий Солодуненко 1946 жылы дүниеге келген. Ол Новокузнецк, Уссурийск, Чкаловск және Комсомольск-на-Амуре қалаларындағы театрларда еңбек еткен. Киноға ол ересек шағында келген.

Өнер иесі 25 толықметражды фильм мен сериалға түскен. Олардың қатарында "Праведник", "Сельский" детектив, "Карпов" және "Дилетант" бар.