Бақытты отбасы : AMANAT партиясы отбасы құндылығын ұлықтады

Ерекше іс-шара отбасы құндылығын дәріптеудің жарқын үлгісіне айналды.

Мұндағы басты мақсат – салауатты өмір салтын насихаттау, жас буынды зиянды әдеттерден аулақ болуға үндеу және отбасы институтының қоғамдағы маңызын арттыру. Осылайша, жарысқа 6 отбасы қатысып, ептілік пен шапшаңдықтың, ауызбіршілік пен өзара қолдаудың ерекше үлгісін көрсетті.

Сайыс барысында қатысушылар түрлі спорттық эстафеталарда бақ сынады. Бұл дода – тек жеңіс үшін күрес емес, отбасы мүшелерін жақындастырып, ортақ мақсатқа жұмылдыратын, татулық пен сыйластықты нығайтатын маңызды алаң.

Нәтижесінде, 1-орын – Бесейхан Әбіл, Әсел Жантабаева және Дамир Бейсенханұлы отбасына, ал 2-орын – Қайрат Жансейітов, Жанар Мамырова және Әлихан Қайратұлы отбасына бұйырды. Жүлделі 3-орынды – Асылбек Кенжебеков, Амина Сүлейменова және Аслан Асылбекұлы отбасы иеленді.

«Бұл жеңіс – отбасымыздың ауызбіршілігінің нәтижесі. Мұндай жарыстар татулығымызды бекемдеп, әрқайсымызға үлкен мотивация береді. Баламызбен бірге бір командада өнер көрсету – біз үшін ең үлкен қуаныш. Осындай игі бастамаларды ұйымдастырушыларға алғысымыз шексіз», – деді Бесейхан Әбіл. 

Жеңімпаздар арнайы марапаттарға ие болып, барлық қатысушыға алғыс хаттар мен естелік сыйлықтар табысталды.