“Барселонадағы” алғашқы қазақстандық: Кәрім Меңдіханов келісімшартқа қол қойды

15 жастағы қазақстандық футболшы Кәрім Меңдіханов «Барселонамен» келісімшартқа қол қойды. Ол бұл туралы Instagram парақшасында хабарлап, клуб эмблемасымен сурет жариялады.

Меңдіханов енді әйгілі «Ла Масия» академиясында өнер көрсетеді. Осылайша ол каталондық клубпен келісімшартқа отырған алғашқы қазақстандық футболшы атанды.

Кәрім футболдағы алғашқы қадамын Astana Juniors мектебінде бастаған. 11 жасында әкесімен бірге Испанияға қоныс аударып, «Серданьола» және «Сан-Кугат» клубтарында ойнады. Кейін оны «Барселона» скауттары байқап, академияға шақырды.

2026 жылдың сәуірінде ол Қазақстанның U-16 құрамасына алғаш рет шақырту алған болатын.

Бүгін, 20:43