Батырларға тағзым порталында 705 488 ардагер туралы мәлімет бар

АСТАНА, 9 мамыр – Sputnik. Мәдениет және ақпарат министрлігі өткен жылы майдангерлер туралы деректерді жинақтауға, жүйелеуге және сақтауға, сондай-ақ олардың Ұлы Жеңіске қосқан үлесі жөніндегі ақпаратқа ашық қолжетімділікті қамтамасыз етуге арналған бірегей "Батырларға тағзым" онлайн-порталын іске қосты.

Бұл туралы премьердің орынбасары – мәдениет және ақпарат министрі Аида Балаева айтты.

"Қазіргі уақытта сайтта 705 488 ардагер туралы мәлімет орналастырылған. Олардың қатарында 365 Кеңес Одағының Батыры, 4 екі мәрте Кеңес Одағының Батыры және 19 "Даңқ" орденінің иегері бар",- деп жазды Балаева.

Айтуынша, батырлар есімін ұлықтау ісіне де айрықша мән берілген.

Мәселен, екінші дүниежүзілік соғыстың 500-ден астам ардагерінің есімін көшелер мен даңғылдарға беру туралы шешім қабылданды.