Батыс Қазақстан облысында 6,2 мың гектар жер мемлекетке қайтарылды

Фото: Ауыл шаруашылығы министрлігі

Прокуратура мәліметінше, тексеру барысында бірқатар жер пайдаланушылардың жер заңнамасының талаптарын бұза отырып, жер учаскелерін ұзақ уақыт бойы нысаналы мақсатына сай пайдаланбағаны анықталған.

«Қабылданған прокурорлық қадағалау шараларының нәтижесінде кадастрлық құны 75 млн теңгеден асатын жер учаскелері мемлекет меншігіне өткізілді. Қазіргі уақытта қайтарылған жерлерді заңды экономикалық айналымға енгізу жұмыстары жүргізіліп жатыр», делінген хабарламада.

Павлодарда мемлекетке мыңдаған гектар ауыл шаруашылығы жері қайтарылды 

Ведомствоның хабарлауынша, жергілікті атқарушы органдар бұл жерлерді ауылдық жерлерде тұратын заматтар мен шаруашылық субъектілерінің пайдалануына беруді жоспарлап отыр.

Еске сала кетейік, бұған дейін Ұлытау облысында 31 жер учаскесі мемлекет меншігіне қайтарылған болатын.