Баутино ма, әлде Ersai ма: Теңіздегі жаңа зауыт үшін жеткізу жолдары анықталуда

«KMG PetroChem» компаниясы Теңіз кен орнында салынып жатқан газ сепарациялау кешені (ГСК) үшін негізгі жабдықтарды жеткізетін теңіз айлағын таңдауға кірісті. Үміткерлер тізімінде Каспий теңізі жағалауындағы екі стратегиялық маңызды нысан бар, деп хабарлайды «Нефть и газ Казахстана» телеграм-арнасы.

Әңгіме Ersai (Ақтаудың оңтүстігінде, Құрық портында орналасқан) және Баутино (Түпқараған шығанағы) порттары туралы болып отыр. Арнайы жұмыс тобы причалдардың техникалық жай-күйін және күрделі жүктерді өңдеу мүмкіндіктерін бағалау үшін көшпелі инспекция жүргізді.

Компанияның хабарлауынша, алаңды таңдау бірқатар факторларға байланысты: инфрақұрылымның жай-күйі, кірме жолдар және Теңіздегі құрылыс алаңына дейінгі маршруттардың жалпы логистикасы ескеріледі.

«Мұндай тексерулер тек жеткізу нүктесін таңдап қана қоймай, отандық инфрақұрылымның мүмкіндіктерін ескере отырып, ең тиімді әрі сенімді шешімді анықтауға мүмкіндік береді», — деп атап өтті «KMG PetroChem» өкілдері.

Ерекше назар ірі габаритті жүктерді тасымалдауға аударылып отыр, себебі олар причалдау және одан әрі тасымалдау кезінде арнайы мамандандырылған жағдайларды талап етеді. Тексеру қорытындысы бойынша ГСК жабдықтары үшін негізгі «қақпаға» айналатын оңтайлы логистикалық торап анықталады.

Бүгін, 09:29