Бекіре акциясының алғашқы күндерінде 230 дан астам заңбұзушылық анықталды

Жайық–Каспий бассейнінде 1 сәуірден бастап рейдтер басталды. Осы уақыт ішінде инспекторлар браконьерлікке қатысты бес қылмыстық іс қозғап, заңсыз айналымнан жүздеген килограмм балықты тәркіледі.

Акция басталғалы 158 адам әкімшілік жауапкершілікке тартылып, жалпы сомасы 3,7 млн теңге айыппұл салынды. 

Жайық–Каспий облысаралық бассейндік балық шаруашылығы инспекциясының ресми өкілі Олег Тушкановтың айтуынша, тексерістер барысында заңсыз айналымнан 771 кг балық, оның ішінде 112,3 кг бекіре тұқымдас түрлер алынды. Сонымен қатар 30 аулау құралы мен 29 жүзу құралы тәркіленді.

Күнделікті өзен арналары мен теңіз акваториясын тазалау кезінде тағы 121 заңсыз аулау құралы анықталды.

Акция Қазақстанның Ауыл шаруашылығы министрлігі, Ішкі істер министрлігі және Ұлттық қауіпсіздік комитетінің бірлескен бұйрығы негізінде 2026 жылғы наурызда басталған. 

Рейдтерге инспекция қызметкерлерімен бірге құқық қорғау және табиғат қорғау органдары, сондай-ақ ҚР ҰҚК Шекара қызметі қатысуда.

Балық қорғау акциясы 31 мамырға дейін жалғасады.

Айнұр САПАРОВА

Бүгін, 12:56